若無法看見「網站擁有者 OpenID 登入」請按此登出，再登入即可
拭桌仔 ／李俐思
黏黐黐，黏黐黐，
緊共桌布提來拭；
金爍爍，金爍爍，
桌仔拭甲足清氣。
梨仔 ／林心智
梨仔好食通人知，
氣味清甜我上愛。
梨仔種佇懸山內，
欲食梨仔做你來。
電視 ／月雲
電視電視真厲害，
外國發生啥物代，
伊隨時報你知。
世界到底偌精彩？
咱綴伊去看覓。
白翎鷥 ／傳統念謠
白翎鷥，
捙畚箕，
捙到溝仔墘。
跋一倒，
抾著兩仙錢。
長頷鹿 ／ 黃基博
頷頸長長長，
我敢會使，
peh去你的長頷頸，
挽一片一片的白雲，
來做一條裙？
