對於新手父母嚟講，迎接小寶寶嘅出生係一件既興奮又緊張嘅事，而其中一個最頭痛嘅問題就係：「點樣為嬰兒揀到最合適嘅衣服？」尤其係 bb 衫，因為寶寶皮膚特別幼嫩，唔啱嘅選擇可能會引起敏感、紅疹甚至唔舒服。所以，父母喺挑選過程中，一定要特別注意以下幾個重點。

1. 材質要天然安全

嬰兒皮膚非常嬌嫩，容易受化學纖維刺激，因此建議首選純棉材質嘅 bb 衫。純棉不但柔軟透氣，仲有助吸汗，避免寶寶因為出汗而焗住，減低濕疹同皮膚敏感嘅風險。如果夏天，可以選擇薄身棉質；冬天則可以考慮加厚純棉或者有機棉材質，確保舒適同保暖。

2. 剪裁要方便著脫

嬰兒每日換衫次數可能多達四至五次，所以方便著脫非常重要。父母最好選擇有側開扣設計，或者拉鏈設計嘅 bb 衫，避免要由頭笠落去，減少寶寶嘅不安感。同時，避免選擇有太多裝飾、鈕扣或者蝴蝶結嘅設計，因為呢啲細節可能會刮傷皮膚，甚至存在安全風險。

3. 尺碼要合適

好多父母會覺得寶寶大得快，所以會買大一碼。不過，如果衫太大，寶寶活動嘅時候容易跣落嚟，反而影響安全；太細又會箍住，令寶寶唔舒服。最好根據寶寶實際身高體重去揀返啱身嘅 bb 衫，必要時可以逐個月去調整。

4. 色彩與印花選擇

嬰兒嘅衣服唔需要太多鮮豔顏色，特別係避免螢光色，因為有機會含有化學染料。簡單清新嘅顏色，例如白色、淺粉紅、淺藍色都係好選擇，不但容易襯搭，仲可以令寶寶睇落更加乾淨舒服。

5. 清洗與保養

嬰兒衣物最好同成人衣物分開洗，用專為嬰兒設計嘅無添加洗衣液，避免殘留化學成分。新買返嚟嘅 bb 衫 亦要先清洗一次，確保乾淨衛生先至比寶寶著。

總括嚟講，挑選嬰兒衣物唔只係睇款式或者價錢，更加要考慮到舒適度、安全性同實用性