春天置叨位 我去問花蕊 花蕊講伊才睏醒 叫我去問露水

春天置叨位 我去問露水 露水講伊咧曝日 叫我問白翎鷥

春天置叨位 我問白翎鷥 白翎鷥講水牛咧等伊 叫我去問貓咪

春天置叨位 我去問貓咪 貓咪一直哈唏 續咧擱洗臉 叫我去問阿弟

春天置叨位 我去問阿弟 阿弟目睭笑微微 原來春天佇遮覕